Við blöndum saman ýmsum nuddtegundum. Hér að neðan eru útskýringar á nokkrum þeirra.

Klassískt heilsunudd

Fjölbreyttar strokur sem mýkja og slaka á stífum og spenntum vöðvum. Nudd sem kemur betri hreyfingu á blóðflæði líkamans og eykur losun úrgangsefna.

Slökunarnudd

Sérlega þægilegt og afslappandi nudd sem dregur úr andlegri og líkamlegri spennu. Slökun er öllum mjög mikilvæg en er allt of oft vanmetin.

Meðgöngunudd

Boðið er upp á sérstakan meðgöngubekk sem gerir barnshafandi konum mögulegt að liggja á maganum. Bekkurinn er hannaður þannig að á honum er gat með sérstökum stuðningi fyrir maga konunnar. Við bókun verður að taka fram að um meðgöngunudd sé að ræða.

Þrýstipunktanudd

Við notum nokkrar tegundir af strokum en notum mikinn þrýsting á tiltekna staði þar sem eru „hnútar“ í vöðvunum. Nuddþeginn finnur oftast til þegar þrýstingi er beitt á þessa staði og oft „ferðast“ verkurinn á annan stað í líkamann.

Svæðanudd

Iljarnar eru spegill líkamans. Nudduð eru viðbragðssvæði fóta en samkvæmt aldagamalli kínverskri speki hefur hvert líffæri viðbragðspunkt á iljum. Við notum svæðanuddið oft með í okkar meðferðum en bjóðum ekki upp á sérstaka svæðanuddtíma.

Svæðameðferð og viðbragðsmeðferð

Í boði eru sérstakir svæðameðferðartímar þar sem orkubrautir eru einnig meðhöndlaðar. Viðbragðssvæði ilja og handa eru meðhöndluð ásamt punktum á orkubrautum. Með svæðameðferð kemstu í djúpslökun þar sem líkaminn vinnur einstaklega vel að viðgerðarstarfi.

Dáleiðsla

Dáleiðsla hefur lengi verið stunduð en algengt er að fólk sé með ranghugmyndir gagnvart henni. Hún er meðferðarform sem hægt er að nota til að bæta líðan fólks og styrkja ýmsa þætti í fari þess. Dáleiðsla er aðeins breytt vitundarstig þar sem athyglinni er beint að tilteknum atriðum. Hún er í raun djúpslökun þar sem skjólstæðingurinn (sá sem dáleiddur er) hefur fulla stjórn á hugsunum sínum og gjörðum. Tilgangur dáleiðslunnar er að komast fram hjá rökhugsun eða ritskoðun hugans. Sem dæmi er hægt skoða atburði án þess að ritskoða þá eða rengja. Með þessari aðferð er hægt að hafa áhrif til góðs á líðan, langanir, hegðun, fíkn og erfiðar tilfinningar. Við bókun verður að taka fram að um dáleiðslu sé að ræða.

Partanudd - 30 mín

Hefðbundið nudd þar sem áhersla er lögð á ákveðna hluta líkamans. (30 mín).

Svæðameðferð er jafnframt í boði í 30 mín.